Escrito o:
Últimas prazas para o Taller de Hixiene Postural do día 9 de maio
Soamente quedan dúas prazas para o segundo Taller Práctico de Hixiene Postural "Exercicio Saudable para Previr Trastornos Musculoesqueléticos", que a Confederación de Empresarios de Lugo organiza co financiamento da Fundación para a Prevención de Riscos Laborais no marco dunha programación divulgativa iniciada o pasado día 25 de abril co obxectivo de promover hábitos correctos de seguridade e saúde.
Este segundo taller terá lugar o próximo día 9 de maio de 2013 no Ximnasio Di Som e está preferentemente dirixido a traballadores e empresarios de pequenas e medianas empresas. O seu contido resultará de especial interese para traballadores con riscos asociados a traballos de pé (persoal de hostalaría, centros de barbaría e estética, establecementos comerciais...) ou a traballos sentado (persoal de servizos en oficina, transportistas, taxistas e outros condutores, telefonistas...). É gratuíto e conta cun máximo de quince prazas.
Os interesados en asistir deberán obrigatoriamente de tramitar reserva de praza.
Próximos talleres
A CEL organizará dous novos talleres prácticos de Hixiene Postural os días 23 de maio e 6 de xuño de 2013.