Escrito o:
Semana Europea da Seguridade e a Saúde no Traballo 2021
Un ano máis, e coincidindo coa semana 43 do calendario anual (nesta ocasión entre os próximos días 25 e 29 de outubro), celébrase a Semana Europea da Seguridade e a Saúde no Traballo, unha iniciativa da Axencia Europea da Seguridade e a Saúde no Traballo (OSHA) para concienciar ao redor da prevención de riscos laborais.
A Axencia continúa coa campaña de "Traballos saudables", dedicada até 2022 á prevención de trastornos musculoesqueléticos (TME). Na web desta entidade poden atoparse multitude de recursos para o coñecemento dos TME, así como as regas laborais relacionados cos mesmos e a súa prevención en diferentes sectores produtivos e postos de traballo.
A CEL, a través do seu Gabinete Técnico de Seguridade e Saúde Laboral, súmase un ano máis a esta campaña para lembrar a importancia da evalucación de riscos, a vixilancia da saúde e a garantía de adecuadas medidas preventivas para garantir contornas de traballo saudables e un maior benestar de todos.
Lembramos que para calquera dúbida ou consulta relativa a medidas de prevención en lugares de traballo ou outras consultas sobre seguridade e saúde laboral, podedes dirixidos ao Gabinete Técnico de Seguridade e Saúde Laboral no teléfono 982 23 11 50.