CEL

• 

A Confederación de Empresarios de Lugo (CEL) organiza, co apoio da Deputación Provincial de Lugo, dúas workshops ou talleres de traballo para fomentar a mellora da competividad empresarial entre as empresas da provincia de Lugo.

Baixo o título "Competitividade empresarial: desenvolvemento de novos modelos de negocio", os talleres inclúen entre as súas contidos cuestións como estratexia aplicada, control de xestión, dixitalización 4.0, sistemas de retención do talento e outras ferramentas de mellora, ademais de axudas públicas existentes neste ámbito ou casos prácticos de interese (máis info descargable en pdf ao final desta entrada).

Dirixidos preferentemente a empresas e emprendedores, terán lugar en horario de 9:00 a 14:00 horas e poderá participar non obstante calquera tipo de público interesado na materia. Aínda así, as prazas son limitadas e cubriranse por orde de inscrición, que pode tramitarse a través das seguintes ligazóns:

          WORKSHOP Competitividade empresarial (Viveiro | 28 de novembro de 2019)

          WORKSHOP Competitividade empresarial (Lugo | 29 de novembro de 2019)

Co mesmo obxectivo de apoiar a mellora da competitividade das empresas da provincia, a CEL organizará tamén talleres específicos de internacionalización e comercio exterior, qu ese convocarán xa no mes de decembro.