Escrito o:
Cursos de Primeros Auxilios en Lugo, Chantada y Vilalba
A Confederación de Empresarios de Lugo (CEL) organiza, co financiamento da Xunta de Galicia, tres cursos gratuítos sobre Primeiros Auxilios e Desfibrilador Externo Semiautomático, dirixidos tanto a desempregados como a traballadores e empresarios da provincia de Lugo.
A través destes cursos búscase facilitar coñecementos básicos para que, en situacións de emerxencia, os alumnos sexan capaces de, na medida do posible, estabilizar a un paciente, aliviarlle a dor e ansiedade até o momento en que pode ser atendido por persoal máis capacitado.
Os Primeiros Auxilios son indispensables para saber que medidas tomar nun momento de urxencia. Estas poden variar segundo as necesidades da vítima ou os coñecementos do socorrista, pero resulta esencial saber que facer e que non facer no momento, especialmente porque a adrenalina pode xogar unha mala pasada e unha medida mal aplicada pode causar graves lesións. Os Primeiros Auxilios aplicados correctamente poden supor, mesmo, a diferenza entre a vida e a morte da persoa involucrada.
Estes cursos (programas descargables en pdf ao final da entrada) terán lugar nas localidades de Chantada, Lugo e Vilalba tras o período estival. As prazas son limitadas e cubriranse por rigorosa orde de inscrición, que pode tramitarse a continuación:
- Primeiros Auxilios e Desfibrilador Externo Semiautomático (Título Homologado DESA) - 20 h. - Chantada - Do 30 de agosto ao 7 de setembro - INSCRICIÓN
- Primeiros Auxilios e Desfibrilador Externo Semiautomático (Título Homologado DESA) - 20 h. - Lugo - Do 13 ao 21 de setembro - INSCRICIÓN
- Primeiros Auxilios e Desfibrilador Externo Semiautomático (Título Homologado DESA) - 20 h. - Vilaba - Do 18 ao 26 de outubro - INSCRICIÓN
Estes cursos de prevención organízanse ao amparo da Orde de 20 de decembro de 2018 pola que se establecen as bases reguladoras das axudas destinadas a accións de fomento da prevención de riscos laborais na Comunidade Autónoma de Galicia no exercicio de 2019, co financiamento da Xunta de Galicia.