Escrito o:
CURSO Intelixencia Competitiva para a Internacionalización
A complexidade dos mercados internacionais fai que as empresas teñan que dispor de información para coñecer a contorna e quen son os seus principais clientes e competidores, o que lles permite ser máis competitivas e efectivas no exterior.
O obxectivo fundamental do Curso de Intelixencia Competitiva para a Internacionalización, organizado pola CEL no marco do programa INTERNOVAMARKET-FOOD, é achegar ferramentas útiles de Intelixencia Competitiva (IC) aplicada á internacionalización de empresas, co fin de que poidan situarse de forma estratéxica en mercados exteriores.
Así, o programa desta acción formativa (descargable completo en pdf ao final desta entrada), inclúe información desde como identificar e seleccionar mercados de interese para a nosa actividade empresarial, até como comprendelos, como acceder, plan de mercadotecnia, marketplaces, entre outros.
O curso, de 8 horas presenciais, terá lugar nas intalaciones da CEL os días 18 e 19 de setembro de 2019, en horario de 16:00 a 20:00 horas.
As prazas son limitadas e cubriranse por rigorosa orde de inscrición, que pode tramitarse a través da seguinte ligazón:
INSCRICIÓN CURSO INTELIXENCIA COMPETITIVA PARA A INTERNACIONALIZACIÓN