Escrito o:
XORNADA Prevención e xestión do estrés no ámbito laboral
A Confederación de Empresarios de Lugo organiza, co financiamento da Fundación Estatal para a Prevención de Riscos Laborais F.S.P e a colaboración da Federación Asturiana de Empresarios (FADE), esta xornada informativa na que se analizará desde o concepto da estrés laboral, detallaranse medidas preventivas e correctoras ou se presentarán novas ferramentas de xestión.
A xornada terá lugar en Oviedo, na sede de FADE, o día 29 de maio, martes, de 11:00 a 13:00 horas e contará coas achegas de Bárbara Gogénola García, licenciada en Psicoloxía pola Universidade de Oviedo, ademais de técnico en PRL e experta en Coaching (programa completo descargable en pdf ao final desta entrada).
As prazas son limitadas pero cubriranse por rigorosa orde de inscrición, que pode formalizarse NESTA LIGAZÓN.
Estrés
O estrés identifícase como un dos riscos laborais emerxentes máis importantes. Estudos realizados na Unión Europea suxiren que entre o 50% e o 60% do total dos días laborais perdidos está vinculado ó estrés. Moitos destes traballos coinciden ademais en que o estrés se debe a un desaxuste entre os individuos e as condicións de traballo (inseguridade laboral, tipo de contratación, horarios, etc.), a tarefa (escaseza ou excesivo traballo, monotonía, ciclos de traballo breves ou sen sentido, prazos axustados de entrega, presión no tempo de execución, etc.) e a organización da empresa (ambigüidade na definición de funcións, pouco apoio na resolución de problemas, ausencia de sistemas de comunicación e participación, etc.).