Escrito o:
Workshop PREPARADO PARA O INVESTIMENTO?
A Confederación de Empresarios de Lugo (CEL) e ABANCA organizan, coa colaboración da Fundación CEL - Iniciativas por Lugo, o Workshop "PREPARADO PARA O INVESTIMENTO?. O que debes saber de finanzas na túa empresa", que terá lugar na sede central da CEL o martes día 23 de maio de 2017, en horario de 17:00 a 19:30 horas.
Dirixido a emprendedores e empresarios con interese en emprender novos proxectos, busca axudar a mellorar a comprensión de certos conceptos financeiros básicos relacionados co financiamento, a diversificación e o risco, cuxo coñecemento está demostrado ter relación cun maior éxito nos negocios.
No taller poranse a proba os coñecementos financeiros dos participantes, en relación a cuestións como:
- Percepción da débeda como ferramenta de financiamento
- Avaliación de oportunidades de crecemento
- Método de caixa fronte a método do deveño para medir o resultado financeiro
- O concepto da amortización
- Rendibilidade económica fronte a financeira
Ao final desta entrada pode descargarse programa completo do taller, gratuíto previo rexistro. As prazas son limitadas, polo que é obrigatorio tramitar inscrición a través da seguinte ligazón:
INSCRICIÓN WORKSHOP PREPARADO PARA O INVESTIMENTO?
Sede Central CEL
Plaza de Santo Domingo, 6-8, 2ª Planta
27.001 Lugo