CEL

• 

Medio centenar de empresarios reuníronse hoxe na sede central da Confederación de Empresarios de Lugo nunha xornada informativa organizada coa Fundación Inade e Noceda Corredores para informar as obrigacións e dereitos do empresario en en o contrato de seguros.

A xornada, que foi inagurada polo conselleiro institucional da CEL, José Francisco Real Castro, contou coas achegas de Domnino Rodríguez, director de Noceda Asesores; Fernando Pena López, doutor en Dereito e director da Cátedra Fundación Inade - UDC, así como Adolfo Campos Carballo, director de Fundación INADE.

No marco do encontro analizáronse os dereitos e obrigacións que teñen os empresarios cando deciden transferir os seus riscos á industria aseguradora, con especial atención aos cambios lexislativos en vigor desde o pasado 1 de xaneiro.

Igualmente, no marco da xornada CEL e Fundación INADE subscribiron un acordo de colaboración, rubricado polo conselleiro da CEL e o director de Fundación INADE, que facilitará o acceso das empresas asociadas á CEL ás actividades que desenvolve Fundación Inade no programa Plan Ges Galicia, en marcha desde o ano 2014.

O Plan Ges Galicia (Xerando Empresas + Seguras) é un programa co que se busca axudar a mellorar a xestión dos riscos das empresas galegas, así como dar a coñecer as diferentes solucións que proporciona a industria aseguradora para minimizar as consecuencias económicas negativas que producen os riscos na súa manifestación.