Escrito o:
Curso para previr riscos frente ao lume
A Confederación de Empresarios de Lugo (CEL) organiza na Mariña a acción formativa 'Conciencia sobre o lume', para dar a coñecer cales son os elementos que poden provocar un incendio, normas de seguridade, plans de emerxencia, medios de extinción e outras cuestións básicas relacionadas coa prevención de riscos laborais nesta materia. Trátase dun curso intensivo, de cinco horas de duración, organizado co financiamento da Xunta de Galicia no marco da programación formativa en seguridade e saúde laboral 2016.
O curso, de carácter gratuíto para os asistentes, terá lugar nas instalacións do Parque de Bombeiros de Barreiros (A Cruz do Lobo, nº 1) o día 21 de outubro, venres, en horario de 16:00 a 21:00 horas, segundo o seguinte programa formativo:
- Introdución
- Instrucións de seguridade e procedementos de emerxencia.
- Instalacións
- Finalidade e obxectivos de aprendizaxe primaria.
- Avaliación continua de acordo coas medidas de control GWO.
- Motivación.
- Lexislación global.
- Combustión e propagación do lume. Clases de lume.
- Plans de continxencia e emerxencia.
- Medios de extinción de incendios.
- Prevención dos incendios.
As prazas son limitadas (admitirase a un máximo de 20 alumnos) e cubriranse por rigorosa orde de inscrición, que pode formalizarse a través da seguinte ligazón: