CEL

• 

O mércores 22 de xuño iníciase na Escola de Empresarios e Centro de Formación da CEL un curso de Asistencia á Dirección, programado para quenes busquen formarse como secretario/as ou asistentes de dirección ou, en xeral, mellorar as súas competencias en ámbitos como a administración e xestión de comunicacións, organización de actividades da dirección, elaboración de documentos e presentacións profesionais ou comunicación básica en inglés e outras linguas.

O curso está dirixido a persoas en situación de DESEMPREGO e inscríbese no marco da programación AFD (Accións de Formación para Desempregados) 2016 da CEL, financiada pola Consellería de Economía, Emprego e Industria.

De 610 horas totais de duración, este curso proporciona acceso a un certificado de profesionalidade de nivel 3, polo que se require para acceder contar cunha titulación mínima de COU, Bacharelato LOGSE, ou FP II.

Impartirase en horario de 9:00 a 15 horas, con data de finalización o 23 de novembro de 2016.

Programa

• Xestión do tempo, recursos e instalacións.
• Organización de reunións e eventos.
• Organización de viaxes nacionais e internacionais.
• Recompilación e tratamento da información con procesadores de texto.
• Organización e operacións con follas de cálculo e técnicas de representación gráfica de documentos.
• Elaboración e edición de presentacións con aplicacións informáticas.
• Interpretación das actividades orais e escritas de asistencia á dirección en lingua inglesa.
• Interaccións orais na contorna empresarial.
• Elaboración de documentación socio - profesional.
• Lingua estranxeira profesional distinta do inglés para a asistencia á dirección.

A maiores, inclúe un módulo de prácticas profesionais non laborais en empresas.

Para máis información e solicitude de vacantes, contactar co número de teléfono 982 28 40 15.