Escrito o:
Mesa Redonda para analizar el presente y futuro de la Universidad en Lugo
A Asociación de Antigos Alumnos e Amigos da Universidade de Santiago de Compostela, que preside Benita Silva Hermo, organiza para este xoves, día 12 de novembro de 2015, en Lugo, a Mesa Redonda "Actualidade e Perspectivas da Universidade en Lugo".
Este foro busca facilitar a exposición e debate de cuestións relacionadas coa presenza do campus universitario na cidade amurallada da man de representantes dos ámbitos social, económico e educativo. Concretamente, participarán na mesa (ver invitación adxunta ao final desta entrada):
- Branca de Cora García-Montenegro, adxunta á presidencia do grupo O Progreso, MODERADORA
- Carlos Ferreiro Latorre, exvicerrector de Coordinación do Campus de Lugo da USC
- Carlota López Prado, adxunta á presidencia do grupo empresarial Aresa
- Pilar García Porto, deputada da área de Economía da Deputación de Lugo
- Lourdes Pardo Rodríguez, secretaria xeral adxunta da Confederación de Empresarios de Lugo (CEL)
Este foro de debate terá lugar a partir das 19:00 horas no salón de actos do Vicerreitorado do Campus de Lugo da USC (Praza Pío XII nº 3 - fronte á Catedral). Entrada libre.