Escrito o:
Xantar de Tapas en Lugo
A Asociación Provincial de Hostalaría de Lugo (APEHL) convoca a XI edición do Concurso de Tapas de Lugo (Xantar de Tapas), no que este ano se poderán degustar un total de 46 propostas de tapa diferentes noutros tantos establecementos da cidade amurallada. Ao final desta entrada pode descargarse documento en pdf con descrición das tapas participantes, situación do local que a serve e prezo.
No Concurso, patrocinado polo Concello de Lugo e no que colaboran Estrella Galicia, Coca-Cola, Viaxes Mundo Galaico, D.O Ribeira Sacra e Agricultura Ecolóxica de Galicia, outorgará os seguintes premios:
Do público
- Mellor Tapa Popular
- Premio Tapa Ecolóxica
- Maridaxe Estrela Galicia
Do xurado técnico (de doce finalistas seleccionados polo público)
- Gañador do Concurso 2015
- Mellor Tapa Creativa
- Mellor Tapa Tradicional
- Maridaxe Ribeira Sacra
Os consumidores votarán as tapas de concurso mediante cupón individual selado no establecemento correspondente, cuberto cos seus datos e cunha valoración do 1 ao 5. Estes cupóns entrarán logo no sorteo de diferentes premios (viaxe dunha semana para dúas persoas, viaxe de fin de semanas para dúas a unha cidade europea, circuítos termais, notches en hoteis, ceas en restaurantes, rutas en catamarán catas en adegas da Ribeira Sacra, entre outros e dependente do número de tapas que se valoren).
No marco do Concurso tamén se premiarán as fotos das tapas, acompañadas da nova botella de Coca-cola, que os participantes suban á páxina de ...E para comer Lugo en Facebook.
Máis info en www.xantardetapas.com.