Escrito o:
A Asociación de Autoescolas de Lugo oponse á supresión das probas teóricas en Foz e Monforte de Lemos
A Asociación de Autoescolas de Lugo rexeita a decisión da DXT de concentrar as probas teóricas na capital da provincia, suprimíndoas dos centros desprazados de Foz e Monforte de Lemos.
A medida, tomada unilateralmente por Tráfico, xeneralizarase a partir do próximo 15 de agosto, data a partir da cal os centros de exames de Foz e Monforte de Lemos terán que desprazar aos seus alumnos á capital da provincia, cos prexuízos que iso ocasiona, tanto para, os alumnos como para as escolas destas zonas.
A DXT trata de xustificar esta medida en aras de unificar os exames en todo o territorio, de modo que a proba teóricas do permiso de conducir sexan por computador. A Asociación defende esta medida, pero non á conta dos centros desprazados, nos que os exames se realizan en papel.
A DXT non deu a opción de informatizar as aulas dos centros de exames de Foz e Monforte de Lemos.
Desde a Asociación de Autoescolas de Lugo tomaranse todas as medidas oportunas para tratar de revogar esta decisión, e esta entidade mostra o seu total apoio a todas as escolas afectadas por esta medida.