Escrito o:
CURSO Novos Mercados para Pemes
Entre finais do mes de abril e xuño próximos a CEL organiza o Curso 'Novos Mercados para Pemes', no marco do cal se analizarán diversas cuestións de interese para o fomento da internacionalización das pequenas e medianas empresas.
En concreto, no programa do curso (descargable completo ao final desta entrada) contémplase a análise de temas como solucións de internacionalización (acordos de colaboración, investimento exterior, definición dun proxecto internacional, licitacións internacionais...); contratación internacional (elementos do contrato, tipos, xestión de riscos, incoterms 2010...), medios de pago internacionais ou financiamento e entidades de apoio. Prestarase especial atención ás características dos mercados latinoamericanos, con referencia expresa a Arxentina, Brasil, Chile, Colombia, Ecuador, México, Panamá, Perú e Venezuela.
O curso é de carácter semipresencial, combina sesións persenciales e vía online cuxa temática terá ademais un carácter complementario. Concretamente, as sesións presenciais deste curso están previstas para os días 29 de abril, 7,18 e 26 de maio, e 3 de xuño. Terán lugar en horario de 19:30 a 22:30 horas na Escola de Empresarios e Centro de Formación da CEL.
Esta acción formativa organízase no marco do Plan de Formación Interasectorial CEOE - Cepyme 2015, en virtude do cal a CEL organiza en Lugo un total de catro cursos que darán comezo de forma simultánea a finais de abril.