Escrito o:
Xornada 'Experiencias de éxito de empresas lucenses no ámbito das TIC'
No marco do programa Innov@empresa 2.0 posto en marcha pola Deputación Provincial de Lugo, o próximo día 26 de febreiro, xoves, celebrarase en Lugo a xornada "Experiencias de éxito de empresas lucenses no ámbito do TIC", a través da cal poderemos achegarnos, da man dos seus empresarios promotores, á traxectoria de empresas como El Faro de los Tres Mundos e Miramar Cruises, ambas as nadas no viveiro de emprendedores da nosa Fundación CEL - Iniciativas por Lugo, así como de Granxa Maruxa, Tu Alicate e PeregrinoTeca.
En encontro terá lugar en horario de 18:00 a 20:00 horas no salón de actos da Deputación Provincial en Lugo (Pza. San Marcos, s/n). As prazas son limitadas.
Obxectivo
O obxectivo do encontro é dar visibilidade a empresas da provincia que os últimos anos puxeron en marcha con éxito iniciativas baseadas no uso da tecnoloxía tanto a nivel de xestión, como de mercadotecnia e venda online. Son empresas de diferentes sectores que demostran que a tecnoloxía se converte nun elemento esencial para calquera empresa e que está ao alcance de calquera empresario ou empresaria con interese en impulsar o crecemento do seu negocio.
As empresas participantes contarán a súa historia de implantación e uso da tecnoloxía en primeira persoa, como foi o proceso, que incidentes que se atoparon no proceso e como os solucionaron, que beneficios e/ou resultados obtiveron e as súas expectativas de cara ao futuro nun mundo dixital.