Escrito o:
Xornada 'Sácalle partido ao smartphone da túa empresa'
Co obxectivo de dar a coñecer en profundidade as ferramentas que facilita hoxe día un smartphone e o seu aproveitamento a nivel empresarial, o próximo día 12 de xaneiro, xoves, en horario de 19:00 a 21:00 horas, terá lugar na sede central da CEL en Lugo (Pza. de Santo Domingo, 6-8, 2ª Planta), a xornada informativa "SÁCALLE PARTIDO AO SMARTPHONE DA TÚA EMPRESA: O PODER DAS APLICACIÓNS".
Dirixida a todo tipo de público (empresarios, autónomos, emprendedores, traballadores, desempregados) interesado en sacar o máximo rendemento ao seu terminal telefónico móbil, a xornada é de acceso libre e gratuíto previa inscrición (imprescindible reserva de praza pois o aforamento da sala é limitado). Enmárcase o programa de formación do proxecto Innov@empresa 2.0, posto en marcha pola Deputación Provincial de Lugo para facilitar asesoramento e formación en materia de novas tecnoloxías no ámbito empresarial.
Programa
A xornada tocará cuestións como razóns para incorporar o smartphone á xestión empresarial, ferramentas de comunicación, acceso a internet a través de dispositivos móbiles ou apps (para aforro de custos, banca online, axenda, xestión de redes sociais, etc.).