CEL

• 

Nestos momentos permanece aberta en Galicia unha nova convocatoria para acreditar competencias profesionais adquiridas a través da experiencia laboral. As solicitudes poden presentarse a través da aplicación habilitada ao efecto na web da Consellería de Cultura, Educación e Ordenación Universitaria.

A través desta convocatoria, publicada o pasado día 2 de xaneiro no DOG, poderase optar á avaliación e posterior acreditación oficial de unidades de competencia asociadas a cualificaciones profesionais, certificados de profesionalidade e ciclos de grao medio e superior pertencentes a familias profesionais de Administración e Xestión, Artes Gráficas, Edificación e Obra Civil, Electricidade e Electrónica, Fabricación Mecánica, Hostalaría e Turismo, Imaxe Persoal, Industrias Alimentarias, Informática e Comunicacións, Instalación e Mantemento, Madeira e Moble, Química, Sanidade, Servizos Socioculturais e á Comunidade ou Transporte e Mantemento de Vehículos.

Como novidade, este ano incorpórase a familia profesional Agraria para acreditación de competencias. No Anexo I da Orde publicada relaciónanse as Unidades de Competencia concretas obxecto desta convocatoria, así como o número de prazas dispoñibles para cada unha delas.

Os centros encargados do proceso de recoñecemento, avaliación e acreditación de competencias serán os Centros Integrados de Formación Profesional (CIFP). No caso da provincia de Lugo participarán os seguintes:

• CIFP Politécnico de Lugo (Tel. 982 22 03 28)
• CIFP As Mercedes de Lugo (Tel. 982 22 12 12)
• CIFP Porta dá Auga de Ribadeo (Tel. 982 12 88 94)

O prazo de presentación de solicitudes permanecerá aberto até o día 6 de febreiro de 2015. MÁIS INFO

Convocatoria Consellería Traballo

Por outra banda, o pasado mes de decembro a Consellería de Traballo e Benestar tamén publicou convocatoria para acreditación de competencias, neste caso para ramas de atención sociosanitaria ou socorrismo, entre outros. Aunquel o prazo de inscrición para algunhas destas acreditacións xa está pechado, no caso das cualificaciones profesionais de extinción de incendios e salvamento e transporte sanitario, o prazo abrirase entre os días 15 de febreiro e 15 de marzo de 2015, ambos inclusive. Para a convocatoria desta Consellería, pódese obter máis información a través do Portal de Traballo.