Escrito o:
En vigor novas axudas para pemes e emprendedores galegos
Esta semana publicáronse as convocatorias de varias axudas de interese para as pemes e emprendedores galegos.
Así, xa están operativas as convocatorias para 2015 das axudas do programa Galicia Emprende (para novos emprendedores), as habilitadas para a contratación de xestores de internacionalización ou as destinadas ao financiamento de investimentos efectuados por pemes en equipos produtivos.
A maiores, tamén se deron a coñecer axudas específicas para os sectores de téxtil-moda-confección e agroalimentario-forestal-agrícola (publicadas xa a semana pasada), así como, xa de ámbito nacional, as do ICEX para a participación de pemes en procesos de licitación internacional, entroutras.
Na sección de Documentación (acceso só para asociados) pódense descargar as convocatorias destas subvencións. Para máis información e asesoramento, contactar co Departamento Económico - Fiscal da CEL (tel. 982 23 11 50).