Escrito o:
Renovamos as condicións do convenio con SOLRED: novos descontos
Desde a CEL vimos de renovar o acordo subscrito o pasado ano coa entidade SOLRED S.A. a través do que facilitamos ás nosas empresas e entidades asociadas acceso ao cartón Solred, por cuxo uso se obteñen importantes descontos por litro de combustible ao repostar nas estacións de servizo do grupo Repsol.
As novas condicións, aplicables desde o día 1 de xaneiro de 2015, inclúen un novo desconto de 6 céntimos por litro en todos os consumos de carburante diésel na Rede Especial de Estacións de Servizo Repsol (consultar listaxe en Solred Directo ou chamando ao número de teléfono 982231150).
O acordo renova ademais as condicións establecidas xa no convenio anterior, que incluían outros descontos: 1,20 cts./litro en consumos de diésel en toda a Rede Repsol; 3,60 cts./litro adicionais (desconto total de 4,80 cts./litro) en consumos de diésel na Rede Preferente e 1'80 en consumos de gasolina na Rede Repsol.
Para acollerse ás novas condicións, aqueles que sexan xa clientes soamente haberán de solicitar o certificado de estar asociado á CEL; os non clientes poden informarse igualmente a través da CEL para darse de alta.