Escrito o:
Firma de acordo entre a CEL e VEN AL NORTE
José Francisco Real Castro, como conselleiro delegado da CEL, e Teodoro Moreda en representación da firma VEN Ao NORTE S.L.U. asinaron hoxe na nosa sede central un acordo de colaboración en virtude do cal os familiares dos nosos asociados poderán acceder aos servizos de campamento vacacional ofertados dentro do programa ANCHOR ENGLISH SEACAMP cun desconto do 6% nas tarifas establecidas para o público en xeral.
Anchor é un campamento vacacional que nace como parte da empresa Ven ao Norte S.L. e a colaboración da Unión Europea para ofrecer campamentos de actividades náuticas (vea, paddle surf, surf e kaiak) e actividades idiomáticas tanto en español como en inglés.
Conta cun gran equipo de monitores especializados nas actividades náuticas e idiomáticas que se imparten no campamento, entre os que se inclúen monitores nativos de fala inglesa e española.
En 2014 organizaranse dúas modalidades de campamento, o English Seacamp, con campamentos de 10 días de duración con inglés e actividades náuticas, e o Day Camp, campamentos de cinco días de duración sen pasa a noite con clases de inglés e actividades adicionais.
Máis info sobre o campamento no dossier adxunto ao final desta noticia, no noso apartado de Acordos Comerciais e na páxina web de ANCHOR.