Escrito o:
Cursos para Emprendedores
En próximas datas celebraranse en Lugo tres cursos sobre 'Emprender un Negocio', que organizamos dende a CEL coa colaboración de CEOE no marco de se o seu Plan de Formación Intersectorial.
Estes cursos, de 60 horas de formación cada un (que se impartirán na modalidade mixta, con 15 horas presenciais e 45 online), contemplan formación en cuestións básicas que debe coñecer un futuro empresario, desde factores de viabilidade do proxecto empresarial, a variables dun plan de empresa e a súa elaboración, folla de ruta, fundamentos para a xestión e seguimento dun proxecto, entre outros.
Están dirixidos preferentemente a traballadores en activo e autónomos, se ben tamén poden participar desempregados sempre e cando non superen o 30% do total do alumnado (ver tódolos colectivos ao final desta entrada). O prazo de inscrición está aberto, as datas de impartición comunicaranse ao peche dos grupos.
Os interesados en máis información poden descargar o programa ao final desta entrada. É obrigatoria a reserva de praza a través da ligazón:
INSCRIBIRME NOS CURSOS 'EMPRENDER UN NEGOCIO'
Colectivos
Respecto dos destinatarios destes cursos, poderán participar traballadores do réxime xeral (RG), fixos descontinuos en períodos de non ocupación (FD), regulación de emprego en períodos de non ocupación (RE), traballadores do réxime xeral agrario por conta propia (AGP) e por conta allea (AGA), traballadores do réxime especial de autónomos (AU), empregados de fogar (EH), traballadores con convenio especial coa Seguridade Social (CESS), traballadores a tempo parcial de carácter indefinido nos seus períodos de non ocupación (con traballados descontinuos - FDI), traballadores incluídos no réxime especial do mar (TM) e mutualistas de Colexios Profesionais non incluídos como autónomos. Os traballadores de Administracións Públicas non poderán superar o 10% do total do alumnado. As persoas en situación de desemprego non poderán superar o 30% do alumnado.