Escrito o:
Curso de Community Manager
Comeza o novo curso escolar tamén na nosa Escola de Empresarios e Centro de Formación. E faio co noso Plan Intersectorial de Formación 2014, dirixido preferentemente a traballadores, e deseñado en base á Orde da Consellería de Traballo e Benestar pola que se aproba a convocatoria de subvencións para o financiamento de plans de formación dirixidos prioritariamente a persoas traballadoras ocupadas.
En total, no marco deste Plan impartiranse 31 cursos, dous dos cales darán comezo este mesmo mes: os cursos de Prevención de Riscos Laborais e de Community Manager.
O Curso de Community Manager está dirixido preferentemente a traballadores por conta allea, aínda que tamén poden participar desempregados. Dará comezo o próximo día 24 de xaneiro, venres, e finalizará o día 27 de febreiro.
Esta acción formativa, de 85 horas, impartirase integramente na modalidade de teleformación (formación online).
Módulos
O programa formativo deste curso contempla catorce módulos formativos, doce deles específicos da acción formativa, e dous transversais.
- Módulo I: Introdución á Web 2.0
- Módulo II: Blogs Corporativos
- Módulo III: Guía para crear un Blog Corporativo
- Módulo IV: Oportunidades e Desafíos dos Social Media para as Empresas
- Módulo V: Uso de Facebook para as Empresas (Parte I)
- Módulo VIN: Uso de Facebook para as Empresas (Parte II)
- Módulo VII: Uso de Twitter para as Empresas (Parte I)
- Módulo VIII: Uso de Twitter para as Empresas (Parte II)
- Módulo IX: Marcadores Sociais e Agregadores de Noticias
- Módulo X: A figura do Community Manager
- Módulo XI: Responsabilidades e Tarefas do Community Manager
- Módulo XII: O Plan de Social Media
- Módulo XIII: Alfabetización Informática - Internet
- Módulo XIV: Formación para a Igualdade
En total, o curso conta con 53 prazas. Darase prioridade a persoas ocupadas que exerzan a súa actividade nas pequenas e medianas empresas da provincia.
ACCESO A PLATAFORMA PARA PREINSCRICIÓN
A selección de alumnos realizarase unha vez finalizado o proceso de presinscripción en cada curso. Recibirá unha comunicación coa información de se foi ou non seleccionado, confirmándolle se é o caso a praza no curso.
Ao longo dos próximos días informaremos de novas accións formativas.