Escrito o:
Finalizado o ciclo de workshops para a internacionalización de Lugo
Os Workshops para a Internacionalización que se desenvolveron durante dúas xornadas seguidas, desde o luns 11, na nosa Escola de Empresarios e Centro de Formación para fomentar o coñecemento de ferramentas TIC e estratexias para a internacionalización por parte das pemes lucenses, pecháronse con éxito de asistencia e interese polas estratexias de saída ao exterior.
Medio centenar de persoas asistiron en total aos diferentes talleres que se organizaron entre onte e hoxe en Lugo no marco do programa LAN Pymexport, posto en marcha por diferentes entidades, entre as que se atopa a Confederación de Empresarios de Lugo (CEL), para promover a saída ao exterior de pequenas e medianas empresas do sector agroalimentario situadas na Eurorrexión Galicia-Norte de Portugal.
Os workshops celebrados na Escola de Empresarios da CEL abren un ciclo que continuará esta semana e a próxima en Ourense, Vigo e Braga. Abordan cuestións como Selección de mercados, Análise da competencia, Análise de clientes e canle de distribución, Posicionamento de marca, ou Plataforma de promoción e trading virtual. Están impartidos por expertos en consultoría para a internacionalización.
Máis info
Os interesados en asistir aínda poden inscribirse nos talleres que terán lugar noutras localidades a través da web do LAN Pymexport.
Lan Pymexport é un proxecto para o fomento da internacionalización empresarial que vén desenvolvendo a CEL xunto con Anfaco-Cecopesca, CTC e Bic Minho, coa cofinanciación de fondos FEDER e da UE, dentro do Programa Operativo de Cooperación Transfronteiriza España-Portugal (POCTEP 2007-2013).