Escrito o:
Axudas para emprendedores e pemes
Esta semana déronse a coñecer novas ordes de axudas destinadas a emprendedores, microempresas, pemes... En relación aos apoios a emprendedores, destacan os habilitados polo Instituto Galego de Promoción Económica a través do Programa Re-Emprende e, para o caso concreto de Lugo, os habilitados polo Concello de Lugo para a instalación de negocios na zona centro (URBAN) da cidade.
Destacan, igualmente, as axudas específicas habilitadas pola Consellería de Medio Rural e do Mar para a creación e mellora de empresas de aproveitamentos forestais, así como os apoios do Instituto Enerxético de Galicia a proxectos de aforro e eficiencia enerxética.
Tamén esta semana deuse a coñecer a segunda convocatoria do Programa de Aloxamentos Conectados do Ministerio de Industria, Enerxía e Turismo, que permite a pemes de até 49 traballadores do sector hostaleiro e de turismo rural o acceso a paquetes de solucións tecnolóxicas relacionadas con xestión da propiedade, mellora de web e mercadotecnia online.
Os interesados nestas e outras convocatorias de axudas abertas poden obter máis información (resumos, convocatorias...) na área de Documentación desta web e solicitar asesoramento ao noso Departamento Económico - Fiscal (acceso a información e servizos técnicos restrinxido a asociados; consultar servizos a emprendedores).