Escrito o:
CEL - CIMESA
Obxecto do acordo:
Acordo subscrito co Organismo de Control Autorizado CONTROL INDUSTRIAL, MÉTODOS Y ENSAYOS S.L. (CIMESA) para ofrecer servizos de Inspección Regulamentaria da Instalación Eléctrica de Baixa Tensión dos locais dos asociados da Confederación de Empresarios de Lugo (CEL) que o necesiten, con tarifas exclusivas para este convenio.
É de destacar que a CEL considera de especial interese este tipo de servizos, por canto coa entrada en vigor, en setembro de 2003, do novo Regulamento de Baixa Tensión (RD 842/2002), estableceuse a obrigatoriedade de realizar inspeccións iniciais e periódicas, cada 5 anos, en diversas instalacións eléctricas de baixa tensión, entre as que se atopan os locais de pública concorrencia como bares, cafetarías, restaurantes, hostais, hoteis, clínicas, locais comerciais, locais con risco de incendio e explosión como talleres de reparación de vehículos, entroutros (ao final desta información pode descargarse documento máis amplo con información detallada sobre as instalacións que teñen que ser sometidas a inspección).
Esta inspección ha de ser efectuada por un Organismo de Control Autorizado (OCA), como CIMESA. A maiores, non realizar as inspeccións en prazo podería ser considerado como infracción grave pola Consellería de Economía e Industria, o que levaría aparelladas sancións que oscilan entre os 300 e os 3.000 €.
Ademais, en caso de accidente eléctrico as compañías aseguradoras poderían non facerse cargo se a instalación non superou a inspección regulamentaria correspondente.
Servizos e bonificacións:
CIMESA comprométese en virtude do acordo subscrito coa CEL a facilitar asesoramento e información aos asociados da devandita Confederación en relación a calquera dúbida ou consulta que poida xurdirlles respecto da necesidade de inspección das instalacións eléctricas de baixa tensión dos seus locais.
Comprométese igualmente a realizar, aos clientes que soliciten e acepten o orzamento previo, un control rigoroso das instalacións por parte dos enxeñeiros - inspectores da empresa, e emitir o correspondente certificado de inspección ante a Consellería de Economía e Industria.
Os asociados á CEL gozarán dun trato preferente por parte de CIMESA, con tarifas exclusivas para este convenio, que levan aparellados descontos especiais de até un 20% nas súas tarifas habituais.
Procedemento para acollerse:
As empresas interesadas en acollerse a este convenio poden porse en contacto con CIMESA para solicitar orzamento especial, acreditando a súa pertenza á CEL vía certificado expedido por esta organización empresarial (para solicitar certificado, chamar ao teléfono da Confederación 982 23 11 50).
Para solicitude de información e tarifas, contactar con CIMESA no número de teléfono 982 21 98 39 ou na dirección de e-mail cimesa@telefonica.net.