Escrito o:
XORNADA INFORMATIVA | Axudas á innovación nas pemes
A sede central da Confederación de Empresarios de Lugo (CEL) acolle o próximo 25 de xaneiro unha xornada informativa da Axencia Galega de Innovación (GAIN) sobre as novas convocatorias de Innovación para pemes.
O obxectivo desta xornada é presentar as novas convocatorias de Bonos de Innovación, Bonos Sinerxías para programas europeos, DeseñaPeme e InnovaPeme e dar a coñecer as novidades nos requisitos e características das mesmas, resolver as dúbidas e propiciar un espazo de networking para o contacto entre entidades.
Tamén participarán nesta xornada con casos de éxito, contados por beneficiarios desta tipoloxía de axudas a través da súa experiencia.
Ademais, as pemes sen experiencia en innovación que desexen asesoramento poderán participar nun taller en materia de innovación, solicitándoo na parte correspondente do formulario de inscrición.
Máis info no programa adxunto ao final desta entrada.
OBRIGATORIA RESERVA DE PRAZA NESTA LIGAZÓN.