Voltar atrás

Escrito o:

En marcha o programa DIGALICIA, para transformación dixital das pemes galegas

A sede central da Confederación de Empresarios de Lugo (CEL) acolleu hoxe a presentación dun novo programa de formación e tutelaje orientado a fomentar a transformación dixital das pemes galegas, DIGALICIA, financiado a través dos fondos Next Generation UE do Plan de Recuperación, Transformación y Resiliencia Económica e enmarcado na iniciativa “Generación Digital”, liderada pola Secretaría de Estado de Digitalización e Inteligencia Artificial (SEDIA) do Ministerio de Asuntos Económicos e Transformación Digital, en colaboración coa Escuela de Organización Industrial (EOI).

O programa foi presentado en detalle por Jaime López, secretario xeral da CEL, organización colaboradora con DIGALICIA na provincia, e Ramón Martínez, CEO de Estudios Rafer, empresa lucense que encabeza a agrupación xestora deste programa de financiamento europeo. 

Produtividade e internacionalización
O secretario da CEL destacou na súa intervención o interese de que unha empresa lucense pilote no noso territorio un proxecto desas características, e subliñou que “hoxe en día a transformación dixital xa non se pode pensar a futuro; é unha obriga inmediata para as pemes que queiran sobrevivir a curto e medio prazo”. 

Igualmente, destacou que iniciativas deste tipo, ademais, fomentan a “mellora da produtividade e as posibilidades de crecemento e internacionalización das pemes” e resultan moi atractivas por canto inclúen formación e tutelaxe “in situ”, nas propias instalacións das empresas, así como posibilidade de acceso a axudas para a contratación de persoal formado específicamente para avanzar nos procesos de dixitalización.

Fases
Pola súa banda, Ramón Martínez encargouse de detallar o contido do programa DIGALICIA, destacando que é un programa que consta de dúas fases, unha primeira de formación dirixida a directivos e responsables de departamento de pequenas e medianas empresas, e outra segunda de formación de novos expertos en dixitalización, denominados “axentes do cambio” ou “axentes de transformación dixital”, dirixida a persoas en situación de desemprego e traballadores. Ambas fases se completan cun apoio final pola que as pemes participantes poderán acceder a axudas de até 20.000 euros para contratación dos expertos en dixitalización formados.

A primeira fase de DIGALICIA porase en marcha en Lugo de forma inmediata cunha primeira xornada informativa dirixida a empresarios e directivos que terá lugar o próximo día 27 de xuño, ás 13:00 horas, na sede central da CEL. Esta parte do programa inclúe sesións virtuais interactivas, talleres personalizados “in situ”, material de aprendizaxe en liña e apoio ou soporte continuo aos participantes que se prolongará finalizada a fase formativa para garantir a implementación das estratexias de dixitalización aprendidas.

Máis info
Todos os detalles do programa (perfís de destinatarios, duración e características das formacións e sesións personalizadas, entroutros) poden consultarse na web https://digalicia.es/, chamando ao teléfono 672063331 ou no mail directivos@digalicia.es. Así mesmo, os interesados en asistir á primeira xornada presencial poderán facelo na web www.cel.es ou directamente na ligazón https://docs.google.com/forms/d/e/1FAIpQLSfb4ihacpjLLgvO38lGfxPrfNNCesZ1gGh_aHw-izy8PzrPhA/viewform.