Escrito o:
FORMACIÓN | Dixitalización e Robotización
A Confederación de Empresarios de Lugo (CEL) organiza, no marco do programa de accións formativas dirixidas á capacitación para o desenvolvemento de funcións relacionadas co Diálogo Social e a Negociación Colectiva, o seminario "Dixitalización e Robotización", que impartirá na modalidade presencial nas instalacións da Escola de Empresarios e Centro de Formación da CEL durante o mes de xuño.
A través deste seminario abordaranse diferentes aspectos e impacto dos procesos de dixitalización e robotización desde o punto de vista laboral. Máis concretamente, o seminario está subdivido en catro sesións de formación presenciais nas que se analizarán cuestións como a "Xestión de persoas na transformación dixital", "Introduccion a People Analytics", "Robótica vs dixitalización. Impacto no emprego" e "Xestión de conflitos na negociación colectiva", da man de Pablo López, director de Implicatum e experto en dinamización de equipos; Yago Ricoy, Master en RRHH e People Analitycs e Jesús Tapia, Head of ISDI Accelerator. Programa completo descargable ao final desta entrada.
Dirixido a empresarios, autónomos e traballadores en activo da empresa privada. De especial interese para persoal de Departamentos de Recursos Humanos. As prazas son limitadas e cubriranse por rigorosa orde de inscrición que pode tramitarse na seguinte ligazón: