Escrito o:
XORNADAS INFORMATIVAS | Protocolos de actuación e impacto da COVID - 19 no ámbito empresarial
A CEL organiza, co apoio da Deputación Provincial de Lugo, o ciclo de xornadas "Protocolos de actuación e impacto da COVID-19 no ámbito empresarial", que busca trasladar a empresas e interesados na materia toda a información de actualidade sobre a prevención en contornas laborais da enfermidade provocada polo coronavirus, así como proporcionar luz sobre as consecuencias no ámbito xurídico.
Estas xornadas, que contarán coa intervención de varios relatores especializados, estaban inicialmente previstas en formato presencial en Lugo, Monforte e Viveiro. Dado o empeoramento da pandemia da COVID-19, o incremento das restricións e coa finalidade de facilitar a seguridade de participantes e relatoras, celebraranse finalmente en dúas sesións en formato online que terán lugar os días 18 de novembro (centrada en aspectos sanitarios e de prevención en contornas laborais) e o 25 de novembro (centrada en aspectos relacionados coas repercusións xurídicas nas empresas), en horario de 17 a 19 horas.
Contidos
Na primeira sesion, prevista para o 18 de novembro baixo o título "Prevención da COVID-19 en contornas laborais: visión técnica e protocolos de actuación", participarán o médico Santiago Díaz de Freijo e dúas empresas de Lugo con servizos específicos relacionados coa nova enfermidade: o Instituto de Estudos Celulares e Moleculares (ICM), o primeiro laboratorio privado de xenética de España, fundado en 1997 e hoxe un centro de referencia estatal, e o único Centro de Diagnóstico de Galicia acreditado polo Ministerio de Ciencia e Innovación para la realización de test de SARS-CoV-2 (COVID-19), tanto PCR como serológicos de anticorpos, e AMSLab, que vén de ser recoñecida no Premio Peme de Lugo cunha mención especial á mellor iniciativa na loita contra a COVID-19 polas medidas e servizos implantados durante a pandemia, como a homologación de máscaras hixiénicas, o kit para a detección e o sistema para verificar a eficacia da limpeza.
A segunda sesión, prevista para o 25 de novembro, abordará o impacto para empresa no ámbito xurídico da COVID - 19, da man de José Antonio Varela Agrelo, presidente en funcións da Audiencia Provincial de Lugo; Félix Mondelo, decano do Colexio de Avogados de Lugo e Félix Méndez, avogado de Obradoiro Legal.
Máis info e inscricións
O programa completo pode descargarse ao final desta entrada en pdf. Os asistentes que desexen dispor do kit de prevención que estaba previsto entregar no formato presencial, poden solicitalo para recollida gratuíta nas instalacións da CEL tras a celebración das xornadas.
As prazas son limitadas e cubriranse por orde de inscrición a través das seguintes ligazóns:
INSCRICIÓN SESIÓN ONLINE 25 DE NOVEMBRO - COVID-19: Impacto para a empresa no ámbito xurídico