Escrito o:
Prevención Plus 2019
Un ano máis, a Confederación de Empresarios de Lugo desenvolve un novo proxecto en materia de prevención de riscos laborais financiado pola Fundación Estatal de Prevención de Riscos Laborais: "Prevención Plus 2019: Asistencia, Información e Promoción" (código de acción AT2018 0073) é a iniciativa que se desenvolverá durante este exercicio, e que supón a posta en marcha no seo da entidade dun Gabinete de Asistencia Técnica en PRL a través do que se proporcionará información e asesoramento gratuíto a pemes.
Máis concretamente, os servizos do Gabinete están dirixidos ás pemes da provincia de Lugo, ás que se busca proporcionar atención personalizada mediante resolución de consultas telefónicas, por correo electrónico e presenciais, resolvendo as súas dúbidas en materia de seguridade e saúde laboral e acompañando ao empresario no proceso de implementación da actividade preventiva.
A estes servizos de asesoramento súmanse outras accións como a redacción de artigos especializados prevención no Blog e+e, a edición de publicacións especializadas ou a organización de xornadas informativas sobre diferentes aspectos da prevención.