CEL

• 

A Corte Arbitral de Galicia organiza en Lugo, coa colaboración de diferentes organizacións entre as que se atopa a CEL, as Xornadas 'Cuestiones Prácticas sobre as últimas novidades en materia de Dereito Concursal'.

O obxectivo destas xornadas, que terán lugar os días 5 e 6 de maio de 2015 en horario de 16:00 a 20:00 horas, é o de analizar, tras dez anos de vixencia da Lei Concursal, determinadas cuestións que expuxeron problemas na práctica, especialmente tras as últimas reformas introducidas nesta normativa. Buscarase entrar de forma exhaustiva, da man de expertos de ámbito xudicial e desde unha perspectiva eminentemente práctica, nestas reformas, tratando ademais de apotar solucións e respostas ás diversas incógintas que expón a súa aplicación práctica.

A asistencia a estas xornadas poderá ser presencial ou online vía streaming (en directo ou en diferido). As sesións presenciais terán lugar no Centro Asociado da UNED en Lugo (Rúa Cantigas e Frores, 31).

Matrícula

Este curso está dirixido a todo tipo de públicos, aínda que pode resultar de especial interese para estudantes de dereito, profesionais do ámbito concursal (avogados, economistas, auditores e administradores concursais) ou profesionais de asesorías e pemes, entre outros.

A matrícula ten un custo ordinario de 130 euros, aínda que a organización contempla diferentes tipos de bonificacións, que supoñen nalgún caso descontos próximos ao 75% neste importe, para catro colectivos específicos: persoas en situación de desemprego, persoas cunha discapacidade, alumnos da UNED e empresarios asociados á Confederación de Empresarios de Lugo.

Igualmente, os empresarios interesados en participar ou en que asista algún dos seus traballadores poden solicitar esta acción formativa como bonificable a través da Fundación Tripartita, trámite que haberán de efectuar como mínimo dez días antes do inicio do curso na seguinte ligazón.

Máis info

No adxunto descargable en pdf ao final desta entrada pode consultarse o panel completo de expertos que efectuarán relatorios no marco destas xornadas, así como as condicións xerais para formalizar a matrícula, tarifas e bonificacións segundo colectivos.