Escrito o:
A Estratexia de Especialización Intelixente RIS3 Galicia, oportunidade para Lugo
Hoxe asistimos en Santiago á presentación pública da Estratexia de Especialización Intelixente RIS3 Galicia, que guiará a política de I+D+i galega no período 2014-2020 e que busca converterse nunha ferramenta para a mellora da competitividade, o crecemento económico e a creación de emprego nesta comunidade autónoma.
Cun orzamento total de 1.600 millóns de euros, este plan finánciase a través de fondos estruturais europeos e, desde o noso punto de vista, constitúe unha "última oportunidade para as provincias de interior galegas, Lugo e Ourense, vítimas do despoboamento e desequilibrio territorial, de sumarse ao tren do desenvolvemento".
No acto de presentación, que encheu o Auditorio Novagalicia Banco, participaron o Comisario Europeo de Política Territorial, Johannes Hahn; o Ministro de Economía e Competitividade, Luís de Guindos Xurado; o Presidente da Xunta de Galicia, Alberto Núñez Feijoó, ou o Conselleiro de Economía e Industria, Francisco Conde López.