CEL

Segundo o Informe de Contabilidade Trimestral publicado hoxe polo Instituto Nacional de Estatística (INE), a economía española rexistra un decrecimiento trimestral do 0,5% no primeiro trimestre de 2013, taxa tres décimas menos negativa que a rexistrada no período precedente.

Pola súa banda, o crecemento respecto ao mesmo trimestre do ano anterior sitúase no ?2,0%, unha décima inferior ao crecemento anual observado no cuarto trimestre de 2012.  Os datos de crecemento anual e trimestral coinciden cos publicados na estimación avance do PIB trimestral o pasado día 30 de abril.

A contribución ao crecemento agregado da demanda nacional é dúas décimas máis negativa que no trimestre anterior, situándose en ?4,9 puntos, mentres que a demanda externa aumenta unha décima a súa achega ao PIB trimestral (de 2,8 a 2,9 puntos).

Así mesmo, o emprego descende a un ritmo anual do 4,5%, dúas décimas por encima da taxa rexistrada no cuarto trimestre de 2012, o que supón unha redución neta de aproximadamente 761 mil postos de traballo a tempo completo nun ano, mentres que as horas efectivamente traballadas decrecen a unha taxa anual do 5,6%. Finalmente, o custo laboral unitario rexistra un descenso dun 3,2%.

IPC

Pola súa banda, o INE tamén publicou hoxe o indicador adiantado do IPC, que sitúa a súa variación anual no 1,7% no mes de maio, tres décimas máis que en abril.